Министерот за здравство, Венко Филипче изјави дека Комисијата за заразни болести донесе одлука за олабавување на мерките и тоа се однесува за тренинзи на отворено за индивидуалните спортови, а од идната недела дозвола за тренинзи ќе добија и екипните спортови  за тимски тренинзи.
Следен чекор, по две недели  ќе биде и дозвола за тренинзи во затворено.

– За оваа недела планирано е да се почнат спортските тренинзи во индивидуалните спортови, тенисот, а од другата недела според епидемиолошката слика е предвидено да се стартува со тренинзи во колективните спортови – изјави  министерот Филипче.

Клубовите добиваат зелено светло за тренинзи, а предлозите на комисијата за заразни болести веќе ги испратила сите предлози до Владата која денеска ќе треба да ги усвои, а дополнително е што плановите како да се одржува хигиената, како да се заштитат спортистите и какви протоколи да се преземат, ќе добијат сите субјекти дополнително.

Со денешната одлука на Комисијата за заразни болесни, фудбалерите ќе можат да се вратат на тренинзите и да го доиграат првенството. ФФМ претходно најави дека организира состаноци со клубовите, ќе го слушне и нивното мислење и потоа ќе донесе одлука за конечен термин за продолжување на фудбалските активности во Македонија.