„Spider-Man: No Way Home“ нема да биде последниот „Spider-Man“ филм на Marvel
Иако идните соработки не се формализирани, од Sony Pictures велат дека студиото е голем обожавател на Холандовиот Спајдермен, ужива во добра работна врска со Marvel, и се надева соработката да продолжи.
Се чини дека приказната на Спајдермен не завршува со „Spider-Man: No Way Home“. Според изјавата на Ејми Паскал, продуцентка на филмот и една од централните фигури во аранжманот на Marvel Studios и Sony Pictures, во план е најмалку уште еден филм со Том Холанд, кој потенцијално ќе ја надмине четвртата фаза на Марвеловиот кинематски универзум.
Sony producer Amy Pascal says she has plans for a new #SpiderMan trilogy within the MCU after #SpiderManNoWayHome https://t.co/crGwVnM9bI
— The Hollywood Reporter (@THR) November 30, 2021
Sony Pictures доби права над „Spider-Man“ пред две децении, уште пред Disney да ја купи стрип-империјата во 2009 година. Како претседател на Sony Pictures, Паскал надгледуваше двe од „Spider-Man“ повторувањата, прво со Тоби Мегваер во 2000-тите, потоа Ендрју Гарфилд во раните 2010-ти.
– Ова не е последниот филм што ќе го снимаме со Marvel и не е последниот филм за „Spider-Man“. Се подготвуваме за снимање на следниот филм за „Spider-Man“ со Том Холанд и Marvel. Размислуваме за ова како за три филма, а сега ќе одиме на следните три.“ – изјави Паскал во интервју за Fundago.
Според неа, „No Way Home“ е кулминација на трилогијата „Homecoming“, што на некој начин го предвидува четвртиот „Spider-Man“ во MCU, како и многу повеќе после тоа.
Иднината на „Spider-Man“ е сè уште недефинирана
Иако идните соработки не се формализирани, сепак од Sony Pictures велат дека студиото е голем обожавател на Холандовиот Спајдермен, ужива во добра работна врска со Marvel, и се надева соработката да продолжи. Нема ниту дефинитивен одговор на прашањето дали Холанд би можел да се појави и во филмовите на Sony за други ликови на Marvel, како „Venom“ со Том Харди и претстојните „Morbius“ со Џаред Лето и „Kraven the Hunter“ со Арон Тејлор- Џонсон.
Режисер на „No Way Home“ е Џон Вотс, кој претходно ги режираше „Homecoming“ од 2017 година и „Far From Home“ од 2019 година. Последниот „Spider-Man“ филм започнува од моментот кога идентитетот на Спајдермен беше откриен, и светот дозна дека зад маската е Питер Паркер. Питер се наоѓа во позиција да бара помош од Доктор Стрејнџ (Бенедикт Камбербач), кој прави магија за да ги натера сите да заборават дека Питер е Спајдермен, но наместо тоа, магијата го разбива мултиверзумот, носејќи ги сите негативци и противници на Спајдермен, од сите останати алтернативни реалности, директно пред неговите нозе.
