Спасувачкиот брод Морско Око 4 во последните неколку дена спасил околу 330 мигранти кои се обиделе да го преминат Средоземното Море, соопшти денеска германскиот оператор на приватниот брод.

Во најновата операција спроведена во текот на изминатата ноќ спасени се 99 лица, од кои повеќето рекле дека се од Сирија, соопшти Морско Око на Твитер.

Екипажот сега се доближува до „границата” на нивниот капацитет да се грижи за спасените луѓе, напиша Морско Око.

Бродот почна да плови минатата недела и собира мигранти кои патуваат со бродови несоодветни за отворено море.

Меѓу лицата што биле спасени на бродот за време на викендот имало деца, осуммесечно бебе и бремена жена.