СП 2023: Храбриот Египет „скршен“ по две продолженија, Германија ќе игра за петто место
Репрезентацијата на Германија славеше против Египет со 35:34 и во недела ќе игра за петтото место на Светското првенство.
Германците одлично го стартуваа мечот, па така на четири минути пред крајот на полувремето водеа со пет разлика 16:9. Сепак, тогаш следуваше серија на Египет кој со 5:1 успеа да дојде на 14:17 на полувреме.
Во првите десетина минути од второто полувреме Германија направи разлика од осум гола, меѓутоа Египет не се откажуваше. Играа борбено избраниците на Парондо, па таквата игра им донесе продолженија. По 60 минути игра на семафорот стоеше 30:30.
Германија повторно на двапати водеше во првото продолжение, но на крајот и тоа заврши без победник (33:33). Победникот беше решен во второто продолжение кога Германија дојде до 35:34.
Кнор со седум гола беше најефикасниот кај Германија, додека по седум за Египет постигна Моамен и Елдера.