Работници секаде недостасуваат, но најважно е преку дуално образование и на факултетите, да се насочува и да се добива соодветен високообразован кадар- вели Штефан Клингелхофер, универзитетски професор од Германија кој предава на овдешниот Хајделберг факултет во утринската емисија „Слободен печат“. Тој вели дека тоа е пракса од Германија, што почна да се претставува и спроведува и во Македонија.

Македонија беше дел од Меѓународната конференција за самохрани родители во Будимпешта. Ова е за првпат нашата држава да се претстави на меѓународно ниво на тема којашто низ годините наназад, не била актуелна во политичките процеси и политики кај нас, но и во Европската Унија. Македонија, како прва и единствена држава од Западниот Балкан, но и пошироко делува на оваа тема. Говорник на конференцијата во Унгарија беше Станиша Станковиќ, кој е дете на самохран родител и член на организацијата Млади од семејна разновидност. Станковиќ ќе го вклучиме во нашата програма од во Белград.

Со новата песна насловена „Гуш и Бац“, се реализира уште една кампања за подигнување на свеста за различностите, нивното прифаќање, почитување и инклузија на лицата со атипичен развој. Пејачката Наташа Крстевска – Мијата, активистот Денис Јанкуловски – Космонаутко и славејчињата ја изведоа оваа песна промотивно на фестивалот „Златно славејче“. За деталите зборуваме со нашиот гостин Космонаутко.

Гледајте „Слободен печат“ секој работен ден во 9 часот наутро.