Првата седница на новоизбраниот Совет на Град Скопје, на која советниците требаше само да ги примат уверенијата за функциите, почна со тензии откако советниците од редовите на ДУИ одбија да ги примат документите поради тоа што биле напишани само на македонски јазик.

Тие се повикаа на Законот за употреба на јазиците, кој предвидува сите официјални документи во институциите да бидат издадени на двата службени јазици. Во меѓувреме, советниците од коалицијата „Вреди“ без забелешки ги примија овие документи.

По ова, за советниците од ДУИ за неколку часа беа подготвени нови, двојазични уверенија, кои тие се согласија да ги примат.

Коалицијата предводена од ДУИ и „Вреди“ имаат по шестмина советници во новиот состав на градскиот Совет.