Советничката за медиуми на претседателот на Србија, Сузана Васиљевиќ, јавно призна гостувајќи на провладината телевизија „Курир“ дека во минатото измислувала вести, објави „Нова“.

Васиљевиќ зборуваше на тема како да се спречи ширењето на дезинформации, и на изненадување на присутните, призна дека во 2000 година, кога работела како новинарка, со колегите измислила војна во Црна Гора – и тоа само за да бидат три месеци на Свети Стефан.

— Јас некогаш работев во медиумите. Ние измислувавме приказни за да… Измисливме војна во Црна Гора, односно можност дека Милошевиќ во 2000 година, пред неговите последни избори, ќе ја нападне Црна Гора, односно Мило Ѓукановиќ, зашто Мило му свртел грб, само за да бидеме три месеци на Свети Стефан — изјави таа.

Се поставува прашањето што сè, во овие 13 години владеење на Српската напредна партија, Васиљевиќ, како советничка за медиуми на првиот човек во државата, има измислено и пласирано како лажни информации.