Солскјер откри кога се враќа Погба
Пол Погба веќе еден месец е надвор од терените, последниота настап сезонава го имаше на „Олд Трафорд“ на 30 септември во ремито со Арсенал (1:1).
Францускиот репрезентативец досега има пет настапи, но сеуште не се запишал во листата на стрелците.
Менаџерот на Манчестер јунајтед, Оле Гунар Солксјер во разговор со англиските новинари откри нови детали околу повредата на Погба.
– Му треба уште време за опоравување. Не сме сигурни уште колку ќе паузира, но најверојатно нема да биде на терен до крајот на ноември – рече норвешкиот стратег на „црвените ѓаволи“.
Иако игра без еден од своите најдобри играчи, Јунајтед конечно им се врати на победничките патеки, во неделата триумфираше на гостувањето кај Норич со 1:3, со два утнати пенали.