Во најновата епизода на поткастот „Со Ана на ТИ“, гостува Антонио Арангеловиќ – Тонио Сан, за некои препознатлив и како РНС. Мултиталентиран креатор, професор по дизајн и мултимедија на Универзитетот ФОН, музичар, стрип-уметник и еден од најавтентичните гласови на домашната алтернативна рап сцена.

За студентите на ФОН, Тонио е „најкул професор“, а за љубителите на стрип културата – автор со препознатлив, уникатен визуелен јазик. Во поткастот зборувавме за почетоците, за музиката како став, за стрип-уметноста како филозофија, за инспирацијата, но и за тоа што нему му пречи во современото општество во Македонија.

Посебен акцент доби и неговата фасцинација од јапонската култура, наклонетоста кон западната култура со која расетл, како и судирот и дијалогот помеѓу западната и источната цивилизација – тема што силно се чувствува и во неговото творештво.

Новата епизода можете да ја гледате вечерва во 19:00 на јутјуб каналот на „Слободен печат“.