Во новата епизода на поткастот „Со Ана на ТИ“ гостува Ранко Петровиќ – сопственик на радио „Бубамара“ и идејниот творец и организатор на најголемата и највлијателна манифестација на популарната култура кај нас „Златна бубамара на популарноста“.

Разговаравме за процесот на создавање на една манифестација што со години ги обединува музиката, сцената, сатирата и општествената критика, но и за патот од првата „Бубамара“ до она што денес ја одбележува домашната и регионалната естрада. Ранко отворено зборува за добрите, но и за лошите искуства зад сцената, за компромисите и предизвиците со кои се соочува еден независен медиум и културен проект.

Во разговорот се осврнавме и на соработката со најголемите балкански ѕвезди, односот со политичарите, границата меѓу хуморот и критиката, како и за реално лошата социјална и општествена состојба кај нас, за апатијата и потребата некој гласно да ги каже работите какви што се.

Новата епизода на поткастот „Со Ана на ТИ“ ќе ја гледате вечерва во 19:00 на јутјуб-каналот на „Слободен печат“.