Во новата епизода на поткастот „Со Ана на ТИ“, гостин е Ѓорѓи Галетановски – Чомбе, менаџер, политичар, јавна личност и поранешен директор на Зоолошката градина во Скопје. Во разговорот Галетановски ја раскажа неговата лична приказна, од детството во Скопје, периодите кога растел, создавал и градел, за тинејџерските денови и искуствата од менаџирањето на ноќни клубови и скопскиот ноќен живот, кои значително го обликувале како личност.

Тој без задршка зборува и за животните пресврти, за јавната одговорност, но и за борбата со анксиозноста, болеста на 21 век, со која се соочил пред неколку години. Сподели и како ја препознал состојбата, како се справувал со неа и што научил од тој процес. Оваа епизода ја открива сликата за животот зад јавната функција, за падовите и подемите, но и за менталното здравје, тема за која сè уште ретко се зборува отворено.