Екипата на „Слободен печат“ која во моментов сè уште е во Софија, во разговор со портпаролката на болницата дознава дека телата на загинатите лица се уште не се целосно испратени на обдукција. Пред болницата има членови од семејствата на загинатите, кои бараат одговори од јавните обвинители Љубомир Јовески и Вилма Рускоска.

Јовески и Рускоска велат дека немаат нови информации, тие сомневаат дека автобусот најпрвин удрил во оградата па се запалил, но овие информации уште се водат како шпекулации.

Од болницата на семејствата на загинатите им кажале да се вратат во Скопје, па оттаму да испратат ДНК анализи.

Портпаролката на болницата за „Слободен печат“ потврди дека меѓу преживеаните нема некој со повреди опасни по живот. Таа додаде дека до утре веќе нема да даваат информации околу жртвите.

ФОТО+ВИДЕО | ВО ЖИВО: Сите информации за тешката сообраќајна несреќа во Бугарија