Легендарниот јапонски напаѓач Казујоши Миура и на 58 години не покажува намера да стави крај на својата голема кариера и веќе најде нов клуб каде што ќе продолжи.

Миура ќе се приклучи на нисколигашот Фукшима Јунајтед, кој се натпреварува во локалната трета лига. Ова ќе му биде 41. сезона како професионален фудбалер, а на 26 февруари ќе наполни 59 години.

Минатата сезона ја помина во четвртолигашот Атлетико де Сузука.

Кариерата на Миура започна во 1986 година во бразилскиот Сантос, а подоцна настапуваше и во Италија, Австралија, Португалија и Хрватска. За јапонската репрезентација постигна 55 голови на 89 настапи, оставајќи неизбришлив белег во историјата на азискиот фудбал.