Легендата на шпанскиот фудбал, Андрес Иниеста и официјално започна ново поглавје по завршувањето на играчката кариера. Прославениот поранешен фудбалер на Барселона влезе во тренерските води и го доби првиот посериозен ангажман, откако потпиша договор со Гулф јунајтед од Обединетите Арапски Емирати.

Иниеста во изминатиот период беше дел од активностите и тренинзите на клубот, кој работи на амбициозен проект за развој на млади фудбалери, а сега и официјално ќе биде дел од стручниот штаб. Во клубот веруваат дека неговото огромно искуство и фудбалско знаење ќе придонесат за напредокот на тимот.

Шпанецот неодамна започна и со тренерска едукација, а ангажманот во ОАЕ треба да му помогне да стекне дополнително искуство пред евентуален предизвик во некоја од посилните европски лиги.

Иниеста стави крај на богатата играчка кариера во 2024 година, а сега за првпат и официјално ќе ја има улогата на тренер покрај аут-линијата.

ФОТО | Астон вила мораше да направи промена на дресот за финалето во Лига Европа