Скоро три години затвор доби Арда Туран! – Слободен печат
СпортФудбал

Скоро три години затвор доби Арда Туран!

Турскиот фудбалер Арда Туран е осуден на условна затворска казна од две години, осум месеци и 15 дена поради инцидент со пејачот Беркај Шахин, која ќе биде активирана доколку направи слично дело во наредните пет години.

Поранешниот играч на Атлетико Мадрид и Барселона е виновен поради користење нелегално оружје како и носење на истиот така што ги загрозил животите на многумина вклучувајќи го и споменатиот пејач.

Фудбалерот кој моментно настапува на позајмица во Башакшехир, влезе во физичка пресметка со пејачката ѕвезда Беркај Шахин која на крајот заврши со скршен нос. После инцидентот, Туран се појавил во болницата на Шахин и испукал неколку истрели во подот.

– Од првиот ден чекавме да се извини, но тоа не го направи – рече Сахин пред судењето во Истанбул.

Инаку, Туран нема да оди во затвор, освен во случај доколку во наредните пет години направи кривично дело. Веднаш штом се слушна за инцидентот, неговиот клуб Башакшехир го казни Туран со 2.500.000 милиони турски лири, односно 400.000 илјади евра.

Со „јорганџиите“ по еднаш ги освои „Ла Лига“, Копа дел Реј, Лига Европа и УЕФА Суперкупот, а со Барса една титула во најсилната шпанска лига, еднаш шпанскиот Суперкуп и двапати „кралскиот“ куп.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close