Скопје на 14 септември ќе биде домаќин на ММА спектакл – првпат по повеќе од една деценија!
По повеќе од десет години пауза љубителите на боречките вештини во Македонија ќе можат да уживаат во ММА настан кој ќе се одржува во салата „Јане Сандански“ на 14 септември и во кој ќе учествуваат и македонски борци.
Препорачано
ММА во последните години доживеа навистина голема експанзија и настани се организираат насекаде низ светот, па така сега кај нас ќе имаме борби од организацијата „Армада“ која е една од најдобрите на Балканот.
Македонија на овој настан се очекува да ја претставуваат неколку борци меѓу кои ќе бидат и европските шампиони, Даниела Алексовска и Марко Трајановски.
Последен ММА настан кој се одржуваше во Македониja беше во организација на тогашната ФФЦ и тоа во декември 2013 година, а сега благодарение на ММА организацијата на чело со Ивица Алексовски, Арманда одлучи настанаот „Армада 14“ да се одржува во Скопје и се очекува да видиме осум до девет борби. Во наредните денови треба да бидат потврдени и сите детали околу борците, но нема дилеми дека присутните ќе можат да уживаат во вистински ММА спектакл.
Главната борба на вечерта ќе биде помеѓу Србинот Никола Градинац и Грузиецот Гиорги Квелидзе. Градинац во борбата влегува на местото на Јован Лека кој потпиша договор со УФЦ.
View this post on Instagram
Подготовките за овој настан, како што откри Алексовски, започнале уште пред една година во соработка со Министерството за спорт, па така се одлучиле и за Армада која по квалитет е една од најдобрите на Балканот.
Иако се соочиле со технички проблеми, сепак на крајот успеале истите да ги надминат, па наскоро се очекуваат и конечните детали. Веќе е позната и цената на билетите кои ќе бидат пуштени во продажба и таа во зависност од позицијата на местото за седење ќе биде 300 и 500 денари.
„На 14-ти во Скопје по повеќе од десет години правиме ММА настан како што доликува. ММА во последно време доживеа страшна еволуција, денеска многу луѓе знаат се за најголемите борци во светот. Не постои континет каде што не се одржуваат борби. Среќни сме што кај нас доаѓа организација како Армада која е една силна и квалитетна организација. Се надеваме и дека за нов настан нема повторно да чекаме толку долго“, изјави Алексовски.
Конечните детали околу настанот треба да бидат откриени на 25 август за кога е најавена прес-конференција, а исто така на 13 септември ќе се одржи соочувањето на борците во „Ист Гејт“.
