На светските криптоберзи денес биткоинот (BTC), најголемата и најпозната криптовалута, се тргува по 95.000 долари, со значителен интерес од страна на инвеститорите. Овој пораст се случува  и покрај глобалната економска и геополитичка неизвесност, што го прави дигиталното средство привлечна алтернатива на традиционалните финансиски инструменти.

Тргувањето со биткоин на берзите како Binance значи дека цената секогаш се формира според понудата и побарувачката. Аналитичарите уште еднаш потврдуваат дека пазарот со криптовалути останува волатилен, односно со чести и понекогаш големи флуктуации. Пократкорочното тргување значи дека вредноста на биткоинот може да се подигне или намали за илјадници долари само во текот на еден ден, зависно од глобалните финансиски случувања, реакциите на инвеститорите и регулаторните вести.

Биткоинот во 2025 – година на рекорди, трансформации и волатилен пазар

Во последните денови, покрај блиските нивоа околу 95.000 долари, пазарните движења укажуваат и на периоди на консолидација околу 88.000 до 92.000 долари, што упатува на привремена стабилизација откако претходно се забележаа пораст и пад на вредноста. Традиционалните финансиски играчи исто така влијаат на тргувањето со биткоин. Со појавата на ETF фондови што го следат неговото движење на берзите, институционалните инвеститори полесно пристапуваат до криптосекторот, што дополнително ја зголемува ликвидноста, но и потенцијалната реакција на пазарот при геополитички или економски промени.

И покрај тековната динамика, експертите предупредуваат дека биткоинот ќе остане ризичен инструмент за вложување, со можност за силни испади и растови, што бара внимание од страна на трговците и инвеститорите.