Нетфликс објави трејлер за новиот документарен филм „aka Charlie Sheen“, кој ќе има премиера на 10 септември, само неколку дена по 60-тиот роденден на познатиот холивудски актер. Документарецот ја прикажува борбата на Чарли Шин со славата, што доведе до неговото озлогласено отпуштање во 2011 година од серијата „Два и пол мажи“, проследено со неговиот пат кон трезвеност, пипува „Варајети“.

По седум години трезвен живот, Чарли Шин отворено зборува за својот јавен пад, борбата со зависности, скандалите и патот до лична трансформација. Филмот носи интимна исповед во која актерот без филтри ги споделува најтешките моменти од својата кариера и приватен живот.

Во документарецот се појавуваат бројни личности кои биле дел од неговиот пат – поранешната сопруга Дениз Ричардс, колегата од „Два и пол мажи“, Џон Крајер, актерот Шон Пен, брат му Рамон Естевез, Хајди Флајс, Крис Такер, па дури и негов поранешен дилер за дрога. Ќе го слушнеме и сведоштвото на продуцентот Чак Лоре, со кого Шин често влегуваше во конфликти за време на снимањето на познатата серија.

„аka Charlie Sheen“ ветува да прикаже не само сензационални настани, туку и човек кој успеал да се издигне од сопствените падови, во потрага по искреност и нов почеток.