Луѓето со крвна група 0 се посебни. Може да им даваат крв на сите останати групи, но можат да примат крв само од својата крвна група. Но, тоа не е сè што ги прави поразлични.
А што ги прави посебни? Имаат, на пример, способност за лидерство, проактивност, огромна енергија, а подеднакво знаат да бидат и моќни и продуктивни.
Од друга страна пак, најчесто можат да имаат проблем со некои болести, како што е чирот, како и со дисфункција на штитната жлезда. Ваквите дисфункции може да предизвикаат други проблеми – гојазност и задржување на вода во организмот.
Во Јапонија, крвната група „нулта“ се поврзува со одредени карактеристики. На интервју за работа, Јапонците често прашуваат „која крвна група сте“, а луѓето со крвна група 0 имаат предност бидејќи се опишуваат како одговорни, лојални, организирани, фокусирани, совесни и практични. Исто така, се верува дека се побистри и пологични од другите.
Сепак, кога се под стрес, можат да се разлутат, а можат да бидат и хиперактивни и импулсивни. Инаку, имаат почувствителен желудник од припадниците на другите крвни групи.
Би требало да избегнуваат кофеин и алкохол. Кофеинот може да биде за нив многу штетен бидејќи го поткрева адреналинот, кој природно го имаат во голема доза. А, им се препорачува и физичка активност најмалку три пати во неделата.