„Со поддршка на Неговото Кралско Височество, престолонаследникот на Саудиска Арабија, Мухамед бин Салман Ал Сауд, денеска во Ријад беше постигнат договор со кој Арапската Република Сирија ја признава Република Косово“, објави претседателката на Косово, Вјоса Османи, на својот Фејсбук профил.

Османи истакна дека народите на Косово и Сирија многу страдале и се жртвувале за слободата.

„Ова признание не е само прашање на државен суверенитет, туку и признание на жртвите на многу генерации за слободен живот. Му благодариме на престолонаследникот на Саудиска Арабија што го овозможи овој историски чин“, рече Османи.

Од прогласувањето на независноста, Косово е признато од 120 земји.