Италијанскиот тенисер Јаник Синер го победи Андреј Рубљов денеска во четвртфиналето на Мастерсот во Рим, Италија, и ја забележа својата 32 победа по ред на турнири од серијата 1.000.

Синер го победи Рубљов со 2:0 во сетови, по еден час и 32 минути игра – 6:2, 6:4.

Со ова, Италијанецот го сруши рекордот на српскиот тенисер Новак Ѓоковиќ по број на победи на Мастерс турнирите по ред, откако Србинот имаше 31 во 2011 година, а Синер сега има една победа повеќе.

Последниот пораз на Синер на Мастерс турнирите беше во Шангај минатата година против Талон Грикспор, а потоа загуби два сета во 32 мечеви.

Италијанскиот тенисер ќе игра во полуфиналето во Рим против победникот од дуелот меѓу Данил Медведев и Мартин Ландалузе.