Јаник Синер продолжува да доминира на светската тениска сцена, потврдувајќи ја својата форма со уште еден импресивен настап.

Италијанецот ја освои титулата на Мастерс турнирот во Мадрид, што е негова четврта во сезоната и петта по ред на ова ниво. Во финалето, Синер беше убедлив против Александер Зверев, славејќи со 2-0 во сетови (6-1, 6-2) за само 58 минути игра.

Германецот немаше одговор на агресивната игра на Синер, кој експресно поведе со 5-0 во првиот сет. Зверев успеа само да избегне „нула“, но тоа беше сè што направи во тој дел од мечот.

Во вториот сет накратко изгледаше дека ќе има поголема неизвесност, откако Зверев го освои првиот гем, но Синер повторно ја презеде контролата и со серија добиени гемови ја завери победата.

Со овој триумф, Синер испиша историја како прв тенисер со пет последователни Мастерс титули. Воедно, ја продолжи победничката серија на 28 натпревари на овие турнири и се доближи на само три победи до рекордот на Новак Ѓоковиќ. Следниот предизвик за него ќе биде Мастерсот во Рим, каде ќе има можност да ја продолжи серијата и да го комплетира колекцијата на Мастерс трофеи.

Ова воедно беше 28. АТП титула во кариерата на италијанскиот ас.