Првиот носител на Вимблдон, Јаник Синер, обезбеди место во полуфиналето на најпрестижниот тениски турнир, откако со максимални 3-0 во сетови го совлада Јан-Ленард Штруф.

Германскиот тенисер пружи силен отпор и во текот на мечот го стави Синер пред сериозен предизвик, но Италијанецот одигра сигурно во клучните моменти и не му дозволи на противникот да освои ниту еден сет.

Првиот сет му припадна на Синер со 7-5, додека вториот беше решен дури по тајбрејк, во кој првиот светски рекет славеше со 7-4. Во третиот сет Италијанецот ја презеде целосната контрола, го доби со 6-3 и го потврди пласманот меѓу четирите најдобри на турнирот.

Во борбата за финале, Синер ќе се сретне со победникот од четвртфиналниот дуел меѓу Новак Ѓоковиќ и Феликс Оже-Алијасим.