Македонскиот женски ракометен шампион Ѓорче Петров се подготвува за двомечот против белгискиот Еупен во третото коло од ЕХФ Европскиот куп.

Првиот натпревар ќе се игра во Белгија в недела во 14.00 часот, а реваншот е седум дена подоцна во Скопје во салата „Автокоманда“ од 20.00 часот.

Потсетување дека ракометарките предводени од тренерот Симе Симовски на стартот од клупското натпреварување забележаа две победи (43:22, 29:24) против црногорскиот ЖРК Тиват.

– Ја анализираме играта на нашиот ривал Еупен, внимателни сме. Две седмици работиме, како и дисциплинирано, со цел да бидеме спремни за натпреварот в недела и да ги намалиме грешките. Ќе се обидеме да ги израдуваме навивачите и да одиме во следната фаза. Не го потценуваме противникот, противникот има ракометарки кои настапуваат во младинскиот погон во Германија и Франција. Треба да ги нападнеме сериозно и да го покажеме тоа што го играме во последните три години – вели Симовски.

Ѓорчепетровки се моментно првопласирани во домашниот шампионат единствени без пораз со 21 освоен бод.