Симеоне официјално го продолжи договорот со Атлетико Мадрид
Финансиските детали за договорот не се соопштени, но најавено е дека целиот стручен тим на Симеоне ќе ја продолжи соработката со „јорганџиите“.
Аргентинскиот тренер Диего Симеоне го продолжи договорот со Атлетико Мадрид, актуелниот шампион на Шпанија, до 2024 година. Популарниот „Чоло“ е во клубот од 2011 година.
Во претходната сезона, тренерот од Буенос Аирес го предводеше клубот до 11 титула шампион на Шпанија во историјата, втора во неговиот мандат.
Финансиските детали за договорот не се соопштени, но најавено е дека целиот стручен тим на Симеоне ќе ја продолжи соработката со „јорганџиите“.
Со клубот од стадионот „Ванда Метрополитано“, 51-годишниот Аргентинец ја освои „Ла Лига“ во 2014 и 2021 година, Кралскиот куп во 2013 година, Лига Европа во 2012 и 2018 година, а во два наврати беше втор во Лигата на шампионите – во 2014 и 2016 година.
Претходно работел како тренер во Расинг Клуб, Естудијантес, Ривер Плата, Сан Лоренцо и Катанија.
Simeone and his coaching staff sign contract extensions until 2024.
What a way to start the season! 🤩 pic.twitter.com/V6uD5R58x9
— Atlético de Madrid (@atletienglish) July 8, 2021