Симеоне: Не ги гледав пеналите, но кога Облак е добар, не можеме да не победиме
Фудбалерите на Атлетико Мадрид по голема драма и пенали се пласираа во четвртфиналето на Лигата на шампионите. Го елиминираа тимот на Интер, во првиот меч беше 0:1, но шпанскиот клуб овојпат стигна до 2:1 со голот на Мемфис Депај во 87 минута.
Тоа им донесе продолженија, а откако во тој период немаше голови, одлучуваа пенали каде Атлетико победи со 3:2. По натпреварот, тренерот на „јорганџиите“, Диего Симеоне беше задоволен:
– Среќен сум за играчите, навивачите. По лошиот натпревар во Кадиз, реков дека не можам да барам ништо од публиката, бидејќи мораме да им вратиме на вистински начин. Сега бевме многу силни и имавме одлична поддршка, тоа ме прави особено среќен – изјави Симеоне.
Тој пофали неколку играчи од својот тим.
– Интер беше многу добар, играше физички, со многу сила. Витсел, Хермосо и Савиќ одиграа одличен натпревар. Тимот работеше многу добро. Што се однесува до замените, ни требаа свежи нозе. На крајот сè беше добро – додаде Симеоне.
Пеналите беа посебна приказна, имаше голема нервоза.
– Не ги гледав пеналите, бидејќи не сум мирен и не правам добри работи додека ги гледам. Облак беше одличен. Кога е добар, тешко е да не победиш – вели тренерот на Атлетико.