Актерката Сидни Свини повторно се најде во центарот на вниманието поради провокативните сцени во третата сезона на серијата „Еуфорија“ (Euphoria), кои со недели предизвикуваат бурни реакции кај публиката и на социјалните мрежи.

По завршувањето на сезоната, 28-годишната актерка сподели фотографии од снимањето и кратко им одговори на критиките што ги добива поради ликот на Кеси Хауард.

„Тоа се вика… глума“, напиша Свини на Инстаграм.

 

View this post on Instagram

 

A post shared by Sydney Sweeney (@sydney_sweeney)

Во третата сезона нејзиниот лик минува низ низа екстремни ситуации, а токму некои од тие сцени предизвикаа најмногу коментари меѓу гледачите. Сепак, актерката потсети дека и во претходните две сезони Кеси беше дел од подеднакво провокативни приказни, кои беа составен дел од развојот на ликот.

Поддршка за Свини јавно изрази и нејзиниот партнер, музичкиот продуцент Скутер Браун. Извор близок до двојката за „Пејџ сикс“ изјавил дека Браун целосно ја поддржува нејзината работа и нема никакви забелешки за улогите што ги прифаќа.

„Тој разбира дека тоа е дел од нејзината професија и има голема почит кон нејзината посветеност како актерка“, изјавил изворот.

Во неодамнешно гостување во поткаст, Браун откри дека е голем обожавател на новата сезона на серијата, а особено ги пофали актерските изведби.

Во меѓувреме, официјално е потврдено дека третата сезона ќе биде и последна за „Еуфорија“, со што завршува една од најпопуларните и најконтроверзни серии на Ејч-би-о во последните години.