Шведскиот премиер Улф Кристерсон се најде во насловните страници откако призна дека често бара второ мислење од ChatGPT и други модули на вештачка интелигенција.

Кристерсон за шведскиот бизнис весник „Дагенс Индустри“ изјави дека ги користи ChatGPT и француската услуга LeChat.

„Го користам многу често, барем само за второ мислење. Што направија другите? Дали треба да мислиме сосема спротивното? Такви прашања.“

Тој додаде дека неговите колеги го прават истото.

Сепак, ова признание не ги возбуди ниту печатот, ниту експертите, објавува Гардијан.

Весникот „Афтонбладет“ го обвини премиерот дека „подлегнал на психозата на олигарсите за вештачката интелигенција“.

Мора да бидеме внимателни, нагласува истражувач во истиот весник, предупредувајќи да не се користи ChatGPT за чувствителни информации.

Портпаролот на премиерот брзо разјасни дека Кристерсон не споделувал чувствителни информации со вештачката интелигенција.