Шукова: Сеопфатна законска рамка во согласност со законодавството на ЕУ за клима ќе обезбеди законска основа за креирање политики
Потребна е сеопфатна законска рамка дизајнирана во согласност со законодавството за клима на Европската Унија. Министерката за животна средина и просторно планирање Каја Шукова вели дека со рамката ќе се обезбеди солидна законска основа за стратешко планирање и креирање политики согласно рамката на политиките на ЕУ за клима и енергија со перспектива до 2050 година, нагласи министерката за животна средина и просторно планирање
Препорачано
На денешната јавната расправа за нацрт-текстот на Предлог-законот за климатска акција, Шукова потенцираше дека е потребно и воспоставување на законска основа за координирана акција на национално ниво во однос на ублажување и адаптација кон климатските промени, вклучително и транспонирање и спроведување на законодавството за клима на ЕУ и јасно воспоставување на законска основа за утврдување одговорности на институциите и бизнис заедницата, нивните улоги и начинот на размена на информации.
Во моментот не постојат неопходни регулативни мерки и соодветна институционална поставеност потребна за да се обезбеди усогласување на национално законодавство со законодавството за клима на ЕУ, како и спроведување на регулативни мерки. Постојното законодавство за клима е недоволно и истото е ограничено во својот опсег и цели. Постои неусогласеност особено во однос на транспонирање и спроведување на механизмот за мониторинг и известување кое претставува обврска да биде транспонирано согласно одлуките на министерскиот совет на енергетската заедница и патоказот за декарбонизација, појасни Шукова.
Предлог-законот, додаде таа, прилагодува неколку правни акти на ниво на ЕУ, до степен возможен согласно нашиот статус на земја со отворен процес на полноправна членка во европското семејство.
Климатската акција е во сржта на европскиот зелен договор, вели министерката а тие се стремат кон негова имплементација. Според нејзе,тој претставува пресврт во зелените политики на ЕУ и носи со себе пакет мерки од повеќе области, а целта на зелениот договор е трансформација на ЕУ во модерна, одржлива економија и постигнување на климатска неутралност на ЕУ до 2050 година.
