Јелена Чокрева има 32 години и живее и работи во Скопје. По професија е дипломиран економист, но љубовта кон спортот и вежбањето ја одвело во сосема друга насока и денес таа е ко-сопственичка и инструкторка по активен пилатес и фунционален тренинг во „Пилатес Поинт“, а приватно сопруга и мајка на 3 годишниот Лука.

Јелена ни долови како изгледа еден нејзин ден…

Утрата секогаш ми почнуваат динамично, најпрво пијам кафе, правам план за тренинзи и проверувам што има на листата со обврски за денот, а потоа продолжувам со подготовки на Лука за во градинка и јас за на работа доколку тој ден имам утрински тренинзи.

Обично тренирам наутро, па тренингот гледам да го вклопам или после утринските тренинзи во сала или дома доколку немам работни обврски утрото. Без разлика како ми тече утрото, секогаш појадувам, некогаш е тоа смути „на нога“, некогаш е здрав појадок во кој вложувам малку повеќе труд.

После утринските обврски и активности вообичаено го користам слободниот дел од денот за да се видам со некој од блиските луѓе на кафе, да завршам некоја лична обврска, пред да се вратам дома на подготовките за ручек кои секогаш без исклучок ги правам слушајќи некој подкаст во позадина.

Во зависност од тоа кој ден од неделата е и каков е распоредот попладневните часови најчесто ги поминувам на тренинзи со моите вежбачки во „Пилатес Поинт“, а доколку имам слободно попладне гледам максимално да го искористам слободното време со Лука на различни активности и прошетки со семејството и пријателите.

Вечерите откако ќе заспие Лука се секогаш резервирани на време со сама себе или со сопругот, вечерна рутина за нега на лицето и телото, уживање во филмови, серии и вкусна вечера. Легнувањето е најдоцна до 11 часот.

Што прави денеска: Филип Макрадули, интернационален модел

Што прави денеска: Драгана Левенска, актерка

Што прави денеска: Бобан Тодоровски, професионален шминкер и фризер

Што прави денеска: Фросина Ангеловска – Фран, модна дизајнерка и професионална шминкерка