Што не очекува денеска на Евро 2020: Хрватска оди на сè или ништо

epa09267144 Declan Rice (L) of England in action against Luka Modric of Croatia during the UEFA EURO 2020 group D preliminary round soccer match between England and Croatia in London, Britain, 13 June 2021. EPA-EFE/Andy Rain / POOL (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)

На осмиот ден на ЕП, ќе се одиграат три натпревари, Шведска – Словачка, Хрватска – Чешка и Англија – Шкотска.

Шведска во првото коло успеа да и откине бод на фаворизината Шпанија, додека Словачка ја изненади Полска и ја совлада со 2:1, поради што денешниот дуел кој започнува од 15 часот ќе биде интересен поради состојбата на табелата.

Шведска во натпреварот против Шпанија покажа дека е тврд орев, не успеа да прими гол, а интересно е што во 2021 година, „трите круни“ само еднаш не ја зачуваа сопствената мрежа и притоа остварија пет победи и едно реми.
Од друга страна, Словаците се дополнително мотивирани за овој натпревар поради победата над Полска во првото коло и со евентуален триумф ќе си обезбедат пласман во осминафиналето.

Вториот натпревар на денешната програма на Евро 2020 се игра од 18 часот во Глазгов и ќе претставува да се биде или не за Хрватска.
„Коцкестите“ кои загубија во првото коло од Англија играат против Чешка која пак ја совлада Шкотска со 2:0. Иако Хрватска е фаворит во обложувалниците, прикажаната игра против Англија покажа дека „коцкестите“ се далеку од формата со која станаа светски вицешампиони пред три години. Поради поразот во првото коло, но и победата на Чешка над Шкотска, Хрватска на овој натпревар влегува со императив да се победи за да се задржат шансите за пласман во осминафиналето.

Во последниот наптрвеар Англија на „Вембли“ ја пречекува Шкотска и се освен победа на „Гордиот Албион“ ќе претставува изненадување.

 

Видео на денот