Што донесе Бундеслигата: Mаски, пет замени, играчите симулираа гушкање..!
Помеѓу играчите во секоја можна прилика мораше да постои растојание од барем два метри, додека трибините беа празни..
Како што е веќе познато, Бундеслигата се врати вчера со натпреварите од 26 коло и според резултатите, ништо драстично не се менува од аспект на шампионатот, но дефинитивно новите услови за играње фудбал барем во овој период делува врз играчите.
Ерлинг Халанд, новото светско фудбалско чудо, и после скоро двомесечната пауза поради пандемијата на коронавирус, продолжува да ги тресе противничките мрежи. Норвежанецот придонесе во новите три бода за „милионерите“ во триумфот над Шалке со 4:0.
Менхенгладбах ја оправда фаворитската улога против Ајнтрахт. Херта приреди мало изненадување против Хофенхајм со убедливата победа од 3:0.
Post-match interviews in 2020: pic.twitter.com/OIyG0ow1di
— B/R Football (@brfootball) May 16, 2020
Помеѓу играчите во секоја можна прилика мораше да постои растојание од барем два метри, додека трибините беа празни. Поради тоа играчите од клупата за резерви во Бундеслигата исто така беа оддалечени, па делуваа како да се во ложа на некоја театарска претстава.
На новите услови се прилагодија играчите на Дортмунд, на вообичаен начин ги поздравија навивачите, иако се празни трибините, но поентата е јасна. Фудбалот се игра за навивачите и љубителите на спортот..
Celebrating while social distancing ? pic.twitter.com/oxYQLuN2kl
— B/R Football (@brfootball) May 16, 2020
Тренерите и играчите даваа изјава на безбедна оддалеченост, новинарските микрофони беа на „стапови“..Екипите користеа по пет замени, правило кое го предложија првите луѓе на светскиот фудбал, за да се намали ризикот од повреди.
Тренерите носат маски, како и играчите кои не се на теренот, а некои од нив после прослава на гол, симулираа и гушкање.
Германците први го најавуваат „рестартирањето“ на фудбалот, а за денеска се закажани нови мечеви во најсилното првенство, од 15.30 часот Келн е домаќин на Мајнц, додека Баерн Минхен од 18.00 часот му гостува на Унион Берлин.