Шпанските власти денеска на големите сообраќајници им делат маски луѓето откако Владата ги ублажи дел од мерките против корона вирусот кој во оваа земја одзеде речиси 17 илјади животи.

На почетокот од вториот месец од воведувањето на вонредните мерки, одделни компании кои не можат да ги извршуваат своите работни обврски од дома добија дозвола да продолжат со активностите.

Одделни регионални лидери ја критикуваа ваквата одлука поради страв од повторување и раст на епидемијата. Поголемиот дел од жителите и понатаму ќе мора да останат дома, а работата на кафулињата и јавните простори остануваат затворени најмалку до 26. април.

Министерот за внатрешни работи Фернандо Гранде – Марласка изјави дека полициските службеници утрово почнале да делат милиони маски ширум целиот регион.

– Здравјето на работниците мора да биде гарантирано. Доколку има и минимални последици, активноста нема да може да се обнови, додава министерот.