ШОК ВО САД: Во хеликоптерска несреќа загина НБА ѕвездата Коби Брајант
Покрај Брајант животот го загубиле и останатите четири патници во хеликоптерот.
Ѕвездата на ЛА Лејкерс, Коби Брајант е една од петте жртви кои загинаа во хеликоптерската несреќа. Според информациите, освен Коби Брајант, во неговиот приватен хеликоптер, кој се запалил, биле и четири други лица.
Брајант, заедно со уште четири лица, загинал во услови на магла кога неговиот приватен хеликоптер се срушил во ридот во близина на државниот парк Малибу во Калифорнија. Веднаш по падот на хеликоптерот избувнал пожар кој пожарникарските единици кои брзо стигнале на местото го изгаснале, но немало можност за спасување на патниците во хеликоптерот.
Ниту еден од нив не успеал да преживее.
Анонимен извор за новинарот на ЕСПН, Адријан Војнаровски потврди дека Коби Брајант бил во хеликоптерот .
Kobe Bryant is among those dead in a helicopter crash outside Los Angeles, a source confirms to ESPN.
— Adrian Wojnarowski (@wojespn) January 26, 2020
Коби Брајант беше еден од најголемите кошаркари на сите времиња, а целата кариера ја помина во Лос Анџелес лејкерс, од 1996 година па се до повлекувањето во 2016 година.
Петпати ја освојуваше шампионската титула, двапати го доби МВП-признанието за најдобар играч во финалната серија, има една МВП-награда за најдобар играч во лигата, а 18 пати играше на Ол стар натпреварите.
Лејкерси ги повлекоа од употреба двата дреса кои ги носеше Брајант, 8 и 24, со што е единствениот кошаркар во историјата со ваква чест.