Шкупи го преживеа гостувањето во Гибралтар и закажа пресметка со Динамо Загреб
Македонскиот фудбалски шампион Шкупи обезбеди пласман во второто квалификациско коло за пласман во Лигата на шампионите откако во првата рунда беше подобар од Линколн Рен Импс.
Шкупи во реваншот што се играше во Гибралтар едвај успеа да ја зачува предноста од три гола, загуби со 2:0 од Линколн.
Линколн поведе во 32 минута преку Хуанфри кој ја искористи лошата реакција на фудбалерите на Шкупи по изведениот корнер на домашниот тим. Откако топката дојде до Нано, тој шутираше, но Наумовски одби само до Хуанфи кој погоди за 1:0.
Во второто полувреме, Линколн зголеми на 2:0 во 69 минута преку Каскиеро кој со гол ја круниса одличната акција.
Во последните 20-тина минути фудбалерите на Шкупи упеаја да ја зачуваат сопствената мрежа и благодарение на триумфот од 3:0 на првиот натпревар, да обезбедат пласман во второто квалификациско коло каде ги чека хрватскиот првак Динамо Загреб за кого играат македонските репрезентативци Аријан Адеми и Стефан Ристовски.