Шест месеци затвор за Јовиќ: Поднесено обвинение против напаѓачот на Реал!
Првото основно јавно обвинителство во Белград поднесе обвинение против фудбалерот на Реал Мадрид, Лука Јовиќ, обвинувајќи го за кршење на самоизолацијата во Србија во март годинава.
Играчот е обвинет за кривично дело поради непочитување на здравствените прописи во текот на на пандемијата со коронавирус, информира обвинителството за „Танјуг”. Со ова обвинението, обвинителството му предложи на судот напаѓачот на 2 да биде осуден на шест месеци затвор.
Кривичната пријава против Јовиќ беше поднесена во текот на првата недела по воведувањето на вонредната состојба, откако тој требаше да помине две недели во самоизолација по враќањето во Белград, што не го стори.
До обвинението дојде затоа што фудбалерот не се согласил на можноста – отфрлање на кривичната пријава, со плаќање на глоба од 3,5 милиони динари.
Обвинителството најави дека ќе објави повеќе детали за овој случај во петок.