Вечерва црквите во главниот град се празни.

Скопјани поради празничниот полициски час не можат да отидат во црква каде на полноќ ќе биде обзнането воскресувањето Господово. Црквените порти на божјите храмови се затворени.

Во нив единствено се само поповите и црковните служители. Некаде шанданите се затворни, а онаму каде што не, горат свеќите кои ги запалиле поповите. Репортерите на Слободен печат ја затекнаа екипата на Македонската телевизија како се подготвува за пренос на полноќната богослужба од Соборниот храм.

Поглаварот ги повика верниците вечерва на полноќ да излезат на балконите и со свеќа во рака да го дочекаат Христовото воскресување. Сепак, пред црквите има полициски патроли кои се грижат за спроведувањето на полицискиот час.

Од осамостојувањето на Македонија до денес за прв пат црквите за Велигден се без верници.

Фото: Елисавета Бејкова