Од редовите на македонскиот шампион, Еурофарм Пелистер утрово потврдија дека се разделуваат со тренерот Рубен Гарабаја.

Како што информираа од битолскиот клуб, Гарабаја самиот ја поднел својата оставка.

„РК Еурофарм Пелистер ја информира јавноста дека тренерот на екипата Рубен Гарабаја поднесе оставка од својата позиција и клубот ја прифати истата. Гарабаја заминува од Битола пред истекот на договорот“, соопшти Пелистер.

Со Гарабаја на клупата клубот го освои Суперкупот на Македонија и одигра достоинствени десет натпревари од Лигата на шампионите за сезоната 2025/25. Гарабаја пред заминувањето од клубот и градот ја објасни својата одлука.

„Сакам да потенцирам дека по натпреварот со Алкалоид не почувствував поддршка од амбиентот. Очекував реакција во Загреб, но со оглед на тоа што таа реакција не дојде, се одлучив да ја понудам мојата оставка. Сметам дека мое заминување во овој момент ќе предизвика позитивна реакција кај тимот и ракометарите. Сакам да им се заблагодарам на сите ракометари, со кои имам одличен однос, и да им посакам успех во продолжение на сезоната. Голема благодарност до клубот за ова мое искуство и многу среќа во иднина“, изјави Грабаја.

Oд клубот информираа и дeка до крајот на полусезоната тимот ќе го води сегашниот директор, Звонко Шундовски.

Преземено од: Спорт.ком.мк