Српската полиција во градот Краљево уапси 44-годишен македонски државјанин кој е осомничен дека ограбил неколку обложувачници и пошта, соопшти денеска српското МВР, според „Н1“.

Во соопштението се наведува дека В.Г. е осомничен дека влегол во обложувачници и пошти на територијата на Краљево со фантомка на главата и, со закана со пиштол, одзел повеќе од 700.000 динари.

Во станот на осомничениот, полицијата пронашла дел од парите, фантомка и пиштолот, за кој е утврдено дека не е вистински, односно дека се работи за метална реплика.

Тој е обвинет за пет кривични дела разбојништво. На осомничениот ми е одредено задржување до 48 часа и со кривична пријава ќе биде приведен во ОЈО во Краљево, велат од српската полиција.