Една од најпопуларните серии минатата година беше дефинитивно „His Dark Materials“. Оние кои ја гледале првата сезона несомнено знаеја дека ќе следува втора чија премиера се очекува наскоро.

Премиерата на втората сезона е закажана за 17 ноември на „HBO“ сервисот.

Серијата е базирана на истоимената наградувана трилогија на aвторот Филип Пулман, која се смета за современо ремек-дело на научната фантастика.

„His Dark Materials“ рангирана со оценка 7.9 од 10 на „IMDB“, а на „Rotten Tomatoes“ има дури 81%. Обожавателите веруваат дека оценката ќе се промени и ќе стигне уште повисока бројка со втората сезона.

Приказната ја следи младата девојка Лаира која ја толкува актерката Дафне Кин, навидум обична, но неверојатно храбра девојка од друг свет.

Втората сезона започнува откако Лорд Азриел, кој го игра актерот Џејмс Мекавеј, ќе го отвори мостот кон новиот свет, а Лаира, очајна поради смртта на нејзиниот најдобар пријател, го следи Азриел во непознатото.

Во еден чуден и мистериозен напуштен град, таа го запознава Вил, лик толкуван од актерот Амир Вилсон, момче од нашиот (реалниот) свет, кој исто така бега од своето проблематично минато.

Лаира и Вил сфаќаат дека нивните судбини се поврзани со наоѓањето на таткото на Вил, но тие постојано наидуваат на некакви препреки додека околу нив почнува да се вжештува војна.

Во меѓувреме, г-ѓа Колтер, која ја игра Рут Вилсон, ја бара Лаира и е решена по секоја цена да ја врати дома.