Серија за бракот на Памела Андерсон и Томи Ли: Актерката нема намера да ја гледа
Бидејќи информацијата стигна до јавноста дека се снима серија наречена „Pam and Tomi“, во која се зборува за бракот на Памела Андерсон и Томи Ли, актерката веднаш се огласи и даде свое мислење за серијата.
Имено, според пишувањата на странски медиуми, Андерсон наводно не е воодушевенa од новата серија која го опишува бракот на актерката и музичарот во периодот кога нивното интимно видео допре до јавноста. На Памела, наводно, не ѝ се допаѓаат улогите и ѝ се чини дека сето тоа е голема шега.
– Таа никогаш не слушнала за главните актери кои ја играат неа или Томи. Таа дури и не се грижи. Памела и нејзиното семејство сметаат дека серијата е „ефтина“. Памела нема намера да ја гледа оваа смешна серија, апсолутно не, никогаш, изјавил извор за „The Sun“.
Инаку, во споменатата серија, Памела ја игра Лили Џејмс, а нејзиниот некогашен партнер Томи го игра актерот Себастијан Стен, кои според многу фанови, многу потсетуваат на поранешната двојка.
Не е познато кога ќе започне да се емитува серијата, а освен Лили Џејм и Себастијан Стен, во другите улоги играат Сет Роген, Ник Оферман, Тејлор Шилинг, Ендру Дис Клеј, Пепи Сонуга, Спенсер Гранизе и Можан Марно.
Да потсетиме, Памела и Томи се венчаа во 1995 година, а се разведоа во 1998 година. Од овој брак тие имаат два сина.