Кошаркарската репрезентација на Мексико приреди вистинска сензација со победата од 97:88 над САД во квалификациите за Светското првенство 2023 година.

Интересно е што ова е втора победа на Мексиканите на САД во последните три години, претходно во јуни 2018 година славеа со 80:78.
Како оправдување за поразот на САД може да послужи податокот дека не играа кошаркарите кои настапуваат во НБА лигата, а предводник на репрезентацијата беше Ајзеа Томас кој моментно нема тим.

Клучен момент за триумфот беше третата четвртина која Мексиканците ја добија со 31:12 и ги решија дилемите околу победникот.

Најзаслужни за победата беа Орландо Мендес-Валдес со 27 поени и Габриел Џирон со 19 поени. Кај САД, Ајзеа Томас имаше учинок од 21 поен и 10 асистенции, додека Би-Џеј Џонсон постигна 15 поени.

По две кола во квалификациите за СП 2023, Мексико има две победи, додека САД и Порторико имаат по една победа и пораз, а Куба има два порази во група Д.

REPITEN LA HISTÓRICA‼️😏🗣

En el debut de Gael Bonilla y otro JUEGAZO de Orlando Méndez, México 🇲🇽 vence 97-88 a USA 🇺🇸 consumando su segundo triunfo en los Clasificatorios al Mundial FIBA 2023 🔥

📌Méndez: 27 puntos| 2 rebotes| 6 asistencias pic.twitter.com/kNudfIMu4f

— Solo Basket Mx (@solobasket_mx) November 30, 2021