Семејството на ослободените Американки со измешани чувства по нивното ослободување од страна на Хамас
Семејството на двете Американки кои беа ослободени од Хамас минатата недела ги опишаа нивните чувства како измешани меѓу олеснување за ослободените мајка и ќерка и страв за оние кои сè уште се заробени од милитантната група, вклучително и осум нивни најблиски.
„Тоа беше одеднаш – радост, а потоа вина за чувството на радост само за секунда“, рече Ајелет Села, братучетка на Џудит Раанан, за Еј-Би-Су Њуз.
Раанан беше ослободена заедно со нејзината ќерка Натали во петокот, во првиот дипломатски пробив по ова прашање по рациите на 7 октомври.
„Тие беа само невини, невини цивили кои беа одземени од нивните домови во границите на Израел“, рече Ајелет Села. „Немаме привилегија да славиме“, додаде нејзиниот брат Ор Села.
Иако беа олеснети што Џудит и Натали беа ослободени, Ајлет (42) и Ор Села (34) рекоа дека сè уште тагуваат за загубата на другите роднини убиени во нападот на Хамас – и дека неколку членови на семејството сè уште се задржани, од кои најмладиот само три години. Некои се американско-израелски државјани.
„Сè уште немаме привилегија да ги оплакуваме нашите убиени членови на семејството, бидејќи секој ден се будиме и 24 часа на ден правиме се што можеме за да ги вратиме сите“, рече Ор Села.