Селско грне: Гурманско уживање за целото семејство
Претпразнично подгответе еден специјалитет во кој ќе ужива целото семејство, а доколку постите ова селско грне нека биде вашиот празничен ручек.
Препорачано
Состојки:
– по 100 г пилешко, јунешко и свинско месо
– 10тина мали ќофтенца од мелено месо
– 100 г свежи шампињони
– 200 мл еспањол сос
– 50 г кашкавал
– масло
– магдонос, сол и црн пипер
Подготовка:
Сите видови месо исечкајте ги на коцки, зачинете ги со сол и црн пипер, па заедно со ќофтињата ставете ги на плотна за скара или грил тава и печете ги кратко. Исто и печурките испечете ги кратко на скара или на грил тава. Потоа сите состојки наредете ги во глинено грне.
Полејте со еспањол сосот (направен од супа во која се варел зеленчук со месо, згуснат со запршка од путер и брашно) по вкус зачинете со сол и црн пипер, па посипете со рендан кашкавал и сечкан магдонос. Поклопете го грнето со капак, па затворете го со готово тесто од вода и брашно. Вака спременото грне ставете го во рерна да се пече 20-30 минути. Послужете го веднаш.
