Селекторот на светскиот шампион Андоновски со македонскиот дрес! (ФОТО)
Влатко Андоновски, селекторот на светскиот шампион – женската репрезентација на САД беше гостин во „Куќа на фудбалот“.
Генералниот секретар на Фудбалската федерација на Македонија, Филип Поповски му врачи дрес од омилената репрезентација, Македонија.
Пред неколку месеци на неговата промоција како селектор на САД, за Андоновски беше напишано:
– Баш е убаво кога добри работи им се случуваат на луѓе кои се чесни кон својата работа, кои нѐ калкулираат и знаат што сакаат во животот! Влатко е голем господин, честитки! Впечатокот сега е многу поголем – информираат од федерацијата.
Потсетување дека минатата година Американките на Мундијалот одржан во Франција во големото финале со 2:0 беа подобри од селекцијата на Холандија.