Крилото на партијата Алијанса на Албанците со кое раководи Зијадин Села, ја напушта коалицијата предводена од ДУИ. Централното претседателство вечерва одлучи партијата отсега да делува самостојно, а нејзините пратеници во Собранието да бидат независна група.

„На последните локални избори, коалицијата со која учествувавме излезе како победник на национално ниво, со бројот на освоени гласови на листите за советници и бројот на освоени советници, но сме незадоволни од епилогот во градоначалничката трка, каде што се соочивме со моќен државен инженеринг и интеракции на албанските субјекти на власт со македонските партии од сите табори, со единствена цел да се реализира платформата на ВМРО-ДПМНЕ за дефакторизација на Албанците во земјата. Од овие сценарија, самите Албанци изгубија повеќе од нас како субјекти, бидејќи по централната власт, Албанците сега беа деградирани и на ниво на локалната власт“, се вели во партиското соопштение, потпишано од Зијадин Села.

Раздружувањето со ДУИ и Али Ахмети тој го најави уште вчера, во интервју за телевизијата „Шења“, кога и постави три услови за евентуално да ја внесе партијата во актуелната власт.

Села испорача три услови за влез во Владата на Мицкоски