Министерот за внатрешни работи Панче Тошковски по гласањето порача дека демократијата се гради преку учество, доверба и почит кон волјата на граѓаните.

– Денешниот ден е ден на демократијата, кога граѓаните слободно, мирно и достоинствено ја изразуваат својата волја. Нашата задача како институција е да обезбедиме таа волја да се реализира во безбедна и мирна атмосфера. Полицијата е на висина на задачата, професионално, непристрасно и одговорно го обезбедува изборниот ден, гарантирајќи дека целиот процес ќе тече мирно, безбедно и во духот на демократијата – изјави Тошковски.

Тој ги повика сите граѓани активно да се вклучат во изборниот процес и да го искористат своето демократско право на глас, согласно своите убедувања и совест.

– Секој даден глас е израз на лична одговорност и придонес кон иднината на нашето општество. Само преку учество и мирно изразена волја ја градиме довербата во институциите и во демократијата – додаде министерот.