Џемот од смокви го носи епитетот еден од највкусните македонски деликатеси, а сега е вистинското време да го направите дома, бидејќи сега е нивната сезона.

Смоквите, освен што е специфично вкусни, важат и за овошје што го намалува холестеролот и го подобрува варењето.

Ако ги подготвите на овој начин, ќе можете долго да уживате во нивните благотворни својства.

Состојки:

– 1 кг зрели смокви
– 200-250 г шеќер
– 2 ќесички ванилин шеќер
– 1 лимон
– 1 лажичка рум
– ½ лажичка мелен цимет
– сечкани ореви и бадеми

Подготовка:

Лимонот добро измијте го со раствор од сода-бикарбона. Смоквите измијте ги и исчистете ги од дршките, не мора да им ја лупите лушпата. Исчистените смокви ставете ги во подлабоко тенџере.

Исцедете го лимонот и сокот ставете го заедно со шеќерот во смоквите во тенџерето. Покријте ги смоквите и оставете еден час да омекнат.

Ставете го тенџерето на среден оган и варете. Пожелно е повремено да ги промешувате.

По 45 минути, додадете го ванилиниот шеќер и кората од лимонот, малку рум, цимет и сечканите ореви и бадеми.

Оставете џемот добро да се свари. Притоа, постојано мешајте за џемот да не загори.

Врелиот џем ставете го во стерилни тегли, затворете и оставете да се излади.