В четврток (21 мај) од 12.00 часот селекторот на најдобрата македонска фудбалска репрезентација, Гоце Седлоски на прес-конференција ќе го објави списокот на повикани за претстојните пријателски натпревари против Босна и Херцеговина и Турција.

Нашите најдобри фудбалери на 29 мај ќе одиграат контролен меч против репрезентацијата на Босна и Херцеговина во Сараево на стадионот „Асим Ферхатовиќ Хасе“.

А на 1 јуни избраниците на селекторот Седлоски ќе тестираат против турската селекција во Истанбул.

Овој дуел ќе се игра на стадионот „Шукру Сараџоглу / Чобани“ со почеток од 19.30 часот по македонско време.

И двете репрезентации, БиХ и Турција се учесници на Светското првенство што ќе се одржи од 11 јуни до 19 јули 2026 година во Канада, Мексико и САД.