Собранието го донесе Законот за младински додаток, кој предвидува директна финансиска поддршка за дел од младите работници. Со овој нов закон, на младите до возраст од 23 години, кои се вработени во производствените области, државата ќе им исплаќа „младински додаток“ во износ од 3.000 денари.

Сличен додаток се исплаќаше со години наназад, но законите кои го регулираа секогаш имаа ограничен рок на траење и се продолжуваа.

На истата седница, поддршка од пратениците доби и Законот за изменување и дополнување на Законот за индустриски-зелени зони.

Овие измени, како што беше образложено, се прават со цел усогласување со Законот за организација и работа на органите на државната управа (ЗОРОДУ), при што се менуваат одредени термини во досегашниот закон.

Потпретседателот на Собранието, Антонијо Милошоски, на крајот информираше дека оваа собраниска седница ќе продолжи утре во 12 часот.

ВРЕДИ: Со законот за правична застапеност ги носиме Албанците во центарот на институциите, каде што припаѓаат